Astanada elektrondyq úkimet arqyly salyq tólegenderdiń arasynda utys oıyndary ótedi

ASTANA. 17 qyrkúıek. QazAqparat - Astanada 18 qyrkúıek kúni 2013 jyly QR elektrondyq úkimeti - eGov.kz. portaly arqyly salyq tólegenderdiń arasynda arnaıy shara sheńberinde utys oıyndary ótedi. Bul týraly «UAT» AQ baspasóz qyzmetinen habarlady.

«Shara onlaın rejiminde ótedi, onyń barysyn basqa qalalardaǵy qatysýshylar HQO-da ornatylǵan beınekonferentsbaılanystyń kómegimen baqylaı alady», - delingen habarlamada.

Qatysýshylarmen birge, resmı adamdar, sondaı-aq belgili telejúrgizýshi Nursultan Qurman shaqyrylǵan, ol onlaın rejiminde jeńimpazdyń atyn jarııalaıtyn bolady.

Utysqa salynatyn júldelerdiń ishinde: planshettik kompıýterler, sandyq fotoapparattar, uıaly telefondar, sondaı-aq jeke kýáliktiń chıpinde jazylǵan elektrondy sandyq jazýdyń kómegimen e-qyzmetin alýǵa qajetti kartrıderler bar», - dep habarlady «UAT» AQ baspasóz qyzmetinen.

Utys oıyndary erteń, 2013 jyly 18 qyrkúıek kúni saǵat 13:00-de bolady.