Astanada Elektrondyq satyp alýdyń veb-portalynyń jańa nusqasynyń tanystyrylymy ótti
A. Qańtardyń 21-i. QazAqparat /Quralaı Orynbekqyzy/ - Búgin «Elektrondyq memlekettik satyp alý» avtomattandyrylǵan yqpaldastyrylǵan aqparattyq júıeni damytý aıasynda veb-portalynyń jańa nusqasy tanystyrylymy ótti,
dep habarlaıdy QazAqparat tilshisi.
Baspasóz máslıhatyna «Elektrondyq kommertsııa ortalyǵy» JShS basqarmasynyń tóraǵasy Sultanjan Ahmetov, «EKO» JShS ázirleý departamentiniń dırektory Tóleýǵazy Qalı, Qarjy mınıstrligi memlekettik satyp alý ádisnama departamentiniń dırektory Gúljan Amrına qatysty. «Memlekettik satyp alý týraly» QR Zańyna sáıkes 2010 jylǵy qańtardyń 1-inen bastap baǵa usynystaryn suratý tásilimen júzege asyrylatyn barlyq memlekettik satyp alýlar tek qana elektrondyq pishimde júrgiziletinin atap ketken jón. Portaldyń turaqty jumysyn qamtamasyz etý úshin «EKO» JShS serverlik ınfraqurylymdardy joǵarlatý jáne jańǵyrtý jóninde jumystar júrgizýde.
«Elektrondyq memlekettik satyp alýdyń www.goszakup.gov.kz veb-portalyna kirýshilerdiń sany bıylǵy jyldyń birinshi 3 aptasynyń ózinde 2009 jylmen salystyrǵanda 27 paıyzǵa ósip, 639 810 adamdy qurady. Portalda elektrondyq memlekettik satyp alýǵa qatysý úshin tirkeý rásimin yńǵaıly etý maqsatynda taýarlar, jumystar men kórsetiletin qyzmetterdiń tapsyrys berýshisi, uıymdastyrýshysy, ónim berýshisine nusqaýlyqtar ornalastyrylǵan. Sonymen qatar, veb-portaldy paıdalanýshylardyń barlyq týyndaǵan suraqtaryna jaýap beretin jeliler boıynsha on-laın tártibinde Tehnıkalyq qoldaý qyzmeti jumys isteıdi», dedi S.Ahmetov.
