Astanada elektrondyq qaldyqtar máselesine arnalǵan ulttyq forým ótip jatyr
ASTANA. QazAqparat – Elordada elektrondyq qaldyqtardy jınaý, qaıta óńdep iske jaratý taqyryby talqylanyp jatyr, dep habarlaıdy QazAqparat tilshisi.
Atalǵan sharaǵa quzyrly memlekettik organ ókilderi men otandyq jáne halyqaralyq sala sarapshylary qatysýda.
«Qazaqstan úshin elektrondyq qaldyqtar máselesi kún tártibinde. Bizdiń mınıstrlik quzyrly organ retinde atalǵan máselege beı-jaı qaramaıdy. Sondaı-aq, qaldyqtardy jınaý, ony óńdep qaıta jaratý taqyryby boıynsha ashyq dıalogke daıynbyz. Jalpy qaldyqtarǵa qatysty elimizde birqatar zańnamalyq akt, ulttyq standart pen buıryqtar bar. Árıne, problema joq emes. Onyń ishinde qarjylandyrý, statıstıka jáne basqa da jaıttar bar»,- dedi QR Ekologııa, geologııa jáne tabıǵı resýrstar mınıstrligi qaldyqtardy basqarýda memlekettik saıasat departamenti óndirýshilerdiń (ımporttaýshylardyń) keńeıtilgen mindettemelerin damytý basqarmasynyń basshysy Sábıt Toqmyrzaev ulttyq forýmda
Mınıstrlik ókiliniń aıtýynsha, ulttyq forýmda elektrondyq qaldyqtar máselesin sheshýge baǵyttalǵan usynystar ortaǵa salynbaq.
Ulttyq forýmdy uıymdastyrýshylardyń málimetinshe, 2019 jyly Qazaqstanda 136,1 myń tonna elektrondyq qaldyq shyqqan. Bul kórsetkish jan basyna shaqqanda 7,3 kelini quraıdy. Joǵaryda atalǵan qaldyq kóleminiń 8,8 paıyzy ǵana qaıta óńdelgen.
Sondaı-aq, BUU-nyń oqý jáne ǵylymı-zertteý ınstıtýtynyń (ıÝNITAR) derekteri boıynsha 2050 jylǵa qaraı elimizdegi elektrondyq qaldyqtyń kólemi 422 myń tonnaǵa jetýi múmkin. ıAǵnı adam basyna 18 keli elektrondyq qaldyqtan keledi degen boljam jasalyp otyr.
Basty foto: gettyimages.com
