Astanada elektrondy tehnıka dúkenderinde «elektrondy qoqys» jınaıtyn jáshikter ornatylady
ASTANA. QazAqparat - Elordada elektrondy shyǵyndardy jınaıtyn joba iske qosyldy, ol Dúnıejúzilik qorshaǵan ortany qorǵaý kúnine oraılastyrylǵan. Ekologııalyq jobanyń tanystyrylymyna Qorshaǵan orta jáne sý resýrstary mınıstrliginiń jaýapty hatshysy Anatolıı Dernovoı qatysty.
Osyǵan oraı, «elektrondy qoqysty» jınaıtyn aktsııa Astana jáne Qaraǵandy qalalarynda ótedi, dep habarlady vedomstvodan.
ıAǵnı, elektrondy tehnıka dúkenderi júıesinde isten shyqqan elektrondy qondyrǵylardy jınaıtyn jáshik ornatylady. Sharanyń maqsaty - adam men qorshaǵan ortaǵa zııanyn tıgizbeıtin «jasyl joıýdy» júzege asyrýdy tájirıbede synap kórý.
Aıta keterligi, ekojobanyń tanystyrylymy QR Úkimeti, Samsung Electronics Central Eurasia jáne BUU DB birlesken jobasy aıasynda júzege asty. Ol elimizdiń jasyl ekonomıkaǵa ótý tujyrymdamasyn júzege asyrýǵa yqpalyn tıgizýge baǵyttalǵan, dep habarlaıdy strategy2050.kz.
