Astanada elektromobılderge arnalǵan tuńǵysh qýattandyrý beketi ashyldy
ASTANA. QazAqparat - Astanada qýattylyǵy 50 kVt bolatyn elektromobılderdi qýattandyrýǵa arnalǵan birinshi ónerkásiptik stantsııa ashyldy. Ol akkýmýlıatordy 24 kVt qýattylyqpen 15 mınýttyń ishinde 30%-dan 80%-ke deıin qýattaýǵa múmkindik beredi, dep habarlaıdy «QazAqparat» HAA tilshisi Qazaqstan avtobıznes qaýymdastyǵynyń baspasóz qyzmetine silteme jasap.
Jańa Compass AZS + express market avtoqýattandyrý stantsııa kesheni QR-da buryn ornatylǵan stantsııalardan túbegeıli erekshelenedi - onda ornatylǵan ABB kompanııasynyń Terra 53 modeldi jyldam qýattaý stantsııasy barlyq úlgidegi elektromobılderdi 10-30 mınýttyń ishinde 80%-ǵa deıin qýattaýǵa múmkindik beredi.
Stantsııanyń resmı ashylýyna memlekettik qurylym ókilderi, Compass AZS + express market keshender jelisiniń basshylary, ABB kompanııa ókilderi kásipkerler, elektromobıl ıeleri, AllurGroup ókilderi jáne t.b. qatysty.
