Astanada elektr qýatyn óndirý 9 paıyzǵa jýyq ulǵaıdy
ASTANA. 18 qyrkúıek. QazAqparat - Astana qalasynyń jylý elektr stansalarynda jylytý maýsymyna daıyndyq jumystary qolǵa alyndy. Birqatar sharalar qabyldanyp, JEO-2 kúl-qoqys ýaqytyly shyǵaryldy. Bul týraly búgin elektr qýaty, departament qyzmetkerleri men jýrnalısterge arnalǵan «Astana Energııa» AQ baspasóz týry barysynda kásiporyn basshysynyń birinshi orynbasary Oleg Ýtkın málimdedi, dep habarlady qalanyń resmı saıty.
«2008-2012 jyldary ınvestıtsııalyq is-sharalardy oryndaý JEO-1 jáne JEO-2 tehnıkalyq-ekonomıkalyq kórsetkishterin jaqsartýǵa múmkindik berdi. Atap aıtqanda, elektr qýatyn óndirýdiń jyldyq kórsetkishi 8,91%, belgilengen qýattylyqty tıimdi paıdalaný koeffıtsıenti 6,12% ulǵaıyp, atmosferaǵa shyǵarylatyn zııandy zattardyń mólsheri 4,5% qysqardy. Qazirgi ýaqytta JEO-2 keńeıtý jumystary tolyq aıaqtaldy. Stansa jylytý maýsymyna daıyn», - dedi O. Ýtkın.
Onyń aıtýynsha, JEO-2 jylý qýattylyǵy 930 Gkal, bul jylý maýsymyna kóshý úshin jetkilikti bolyp sanalady.
