Astanada elektr energııasynyń tarıfteri tómendetiledi - QR TMRA
ASTANA. Shildeniń 26-sy. QazAqparat /Jasulan Amanbaıuly/ - Tamyzdyń 1-nen bastap «AstanaEnergoSbyt» JShS elektr energııasynyń tarıfterin 5,2 paıyzǵa tómendetedi.
Bul týraly búgin aptalyq brıfıng barysynda QR Tabıǵı monopolııalardy retteý agenttigi tóraǵasynyń orynbasary Anatolıı Shkarýpa málim etti.
«AstanaEnergoSbyt» kompanııasy shyǵyndardy qysqartýdyń, ońtaılandyrýdyń jáne qyzmetterdi kórsetýdiń kólemin arttyrýdyń arqasynda Astana qalasynyń tutynýshylary úshin tarıfterdi ortasha eseppen 5,2 paıyzǵa tómendete aldy», deıdi A. Shkarýpa.
Onyń aıtýynsha, kelesi tamyz aıynan bastap, elektr energııasyna salynatyn tarıftiń ortasha deńgeıi 7,41 teńge/kVt.saǵat (qazirgi tarıf 7,82 teńge shamasynda) kóleminde bolady.
«Elektr plıtalaryn paıdalanatyn zańdy tulǵalar úshin tarıf QQS-syz 13,2 paıyzǵa, elektr plıtalaryn paıdalanbaıtyn zańdy tulǵalar úshin 15,3 paıyzǵa tómendetilmek», deıdi ol.
Tıisinshe, qaladaǵy táýlik zonalary boıynsha saralanǵan tarıfterdiń baǵasy arzandaıdy. Máselen, zańdy tulǵalar úshin kúndizgi tarıf QQS-syz 5,6 paıyzǵa, túngi tarıf 7 paıyzǵa tómendetiledi dep josparlanǵan.
