Astanada elektr energııasynyń tarıfteri kóterilmeıdi - TMRA
ASTANA. Aqpannyń 26-sy. QazAqparat /Jasulan Amanbaıuly/ - 2010 jyly Astanada elektr energııasynyń tarıfteri kóterilmeıdi.
Bul týraly Tabıǵı monopolııalardy retteý agenttigi Astana qalalyq departamentiniń bastyǵy Abzal Estaev vedomstvonyń 2009 jylǵy jumysynyń qorytyndy keńesinde málimdedi, dep habarlaıdy QazAqparat tilshisi.
A. Estaevtiń aıtýynsha, bıyl qańtar aıynyń 10-da elektr stansysy qyzmetiniń baǵalary kóterilgen. Sol ýaqytta tutynýshylar úshin elektr energııasynyń aqtyq tarıfteri 13, 3 paıyzǵa qymbattady. Energııa generatsııalaýshy stansylardyń aqparaty boıynsha, bıyl jyldyń sońyna deıin tarıfter boıynsha ózgerister bolmaıdy.
«2010 jyly elektr energııasynyń qunyn ósirýge baılanysty ótinishter qarastyrylmaıtynyn tolyq senimmen aıtýǵa bolady», deıdi TMRA qalalyq departamentiniń basshysy A. Estaev.
«Gaz tarıfterine keletin bolsaq, tabıǵı monopolııa sýbektileri tarapynan qyzmet baǵasyn kóterýge qatysty ótinishter kelgen joq. Qysqa merzim ishinde «Astan asý arnasy» tarapynan kelgen sý baǵasyn ósirýge qatysty aryz qaralady. Alaıda ol aryz bekitilgen jaǵdaıda sý tarıfteriniń qanshalyqty ósetinin boljaý áli erte», deıdi A. Estaev.
