Astanada elektr energııasynyń tarıfi tómendetildi
ASTANA. QazAqparat - Elordada 1 jeltoqsannan bastap zańdy tulǵalar úshin elektr energııasyna tarıfter ózgeredi.
Bul týraly ákimdiktiń resmı saıtynda habarlandy.
Táýlik mezgilderi boıynsha úsh mólsherlemeli esepke alý júıesi kezinde tarıfter azaıady. Zańdy tulǵalar úshin elektr energııasyn taratý qyzmetiniń qunyn ózgertý QR Prezıdentiniń shaǵyn jáne orta bızneske qoldaý kórsetý boıynsha alǵa qoıǵan mindetteri, sondaı-aq óndiristik shyǵyndardy azaıtýǵa járdemdesý aıasynda júzege asyrylady. «Astana energııa jetkizý kompanııasy» JShS baqsha qoǵamdyqtastyqtary men jeke tulǵalardan bólek, zańdy tulǵalar úshin elektr energııasyna tarıfti tómendetedi.
Sóıtip, 2015 jylǵy 1 jeltoqsannan bastap elektr energııasyn bosatý baǵasy zańdy tulǵalar úshin QQS eseptemegende 13,69 teńgeni quraıdy. Kúndiz (7:00-den 19:00-ge deıin) tarıf - 13,69 teńge, keshke (19:00-den 23:00-ge deıin) tarıf - 27,39 teńge bolady. Túngi (23:00 -den 07:00-ge deıin) tarıf - 6,01 teńgeni quraıdy.
«AEJK» JShS baǵalary men tarıfteri týraly tolyq aqparatty myna veb-saıttan alýǵa bolady: www.aesk.info.
