Astanada eldi saýda jasaýǵa úıretemin dep aldap soqqan áıel 5 jylǵa sottaldy

ASTANA. KAZINFORM — Qylmysker ózin onlaın-saýda jáne satyp alý salasyndaǵy bıznes-trener retinde tanystyryp, bolashaq klıentterdi Instagram áleýmettik jelisi arqyly tartyp, onlaın-saýdaǵa úıretý kýrstaryn usynǵan, dep habarlaıdy Astana qalalyq prokýratýrasy.

Oqytý aıaqtalǵannan keıin tyńdaýshylarǵa turmystyq tehnıkany kóterme saýdalaýǵa qarjy salýdy usynyp, salynǵan qarajattyń 10%-y mólsherinde tabysqa ýáde bergen. Alaıda, tólemdi alyp, ýáde etken sharttaryn oryndamaı, klıenttermen baılanysyn úzip, jasyrynǵan.

Memlekettik aıyptaýshy sottalýshynyń 50 mln teńgeden astam zalal keltirgen 10 epızodtan turatyn alaıaqtyq qylmysyn tolyq dáleldedi.

Sot úkimimen kinálige 5 jyl bas bostandyǵynan aıyrý jazasy taǵaıyndaldy.

Qala prokýratýrasy alaıaqtyq jasaǵany úshin múlkin tárkileı otyryp, 10 jylǵa deıin bas bostandyǵynan aıyrý túrindegi qylmystyq jaýapkershilik qarastyrylǵanyna nazar aýdarady.

Osyǵan deıin SQO-da sarapshylar jańa alaıaqtyq tásilder týraly aıtqan bolatyn.