Astanada «Elbesik» arýy» baıqaýy ótedi
ASTANA. Qańtardyń 8-i. QazAqparat - Astanada naýryzdyń 10-y kúni sol jaǵalaýdaǵy EHRO kórme ortalyǵynda «Elbesik» arýy» baıqaýy ótedi. Ony elordadaǵy jastarǵa arnalǵan «Elbesik» tanymdyq jýrnaly men «Salem» radıosy uıymdastyryp otyr.
Elordada ulttyq naqysh pen salt-dástúrimizdi asqaqtatqan mundaı baıqaý alǵash ret ótkizilmek. Baıqaýǵa belgili estrada juldyzy Qaraqat Ábildına bastaǵan qazylar alqasy tórelik etedi. Baıqaý barysynda qazaqstandyq tanymal estrada ánshileri keshti ánmen órnekteıdi.
"Demek, búgingi maqsat - qazaqtyń salt-dástúrin jańǵyrtyp, jandandyrý jáne qyrmyzy qyzdarymyzdyń ulttyq úrdisterimizge qyzyǵýshylyǵyn oıatý", - dedi baıqaýdyń uıymdastyrýshysy, "Elbesik" jýrnalynyń atqarýshy dırektory Baǵdagúl Rahmetqyzy.
Baıqaý Esil jaǵalaýyndaǵy "EHRO" KÓRME" ortalyǵynyń ásem ǵımaratynda keshki ýaqyt 17.00-de bastalady.
