Astanada «Elbesik» arýy baıqaýy ótedi
ASTANA. Aqpannyń 3-i. QazAqparat /Marlan Jıembaı/ - Naýryzdyń 10-ynda Astananyń sol jaǵalaýyndaǵy «Expo» kórme ortalyǵynda respýblıkalyq «Elbesik» jurnalynyń uıymdastyrýymen arýlar baıqaýy ótedi. Ony ótkizýge belgili óner juldyzy Qaraqat Ábildınanyń mektep-stýdııasy jáne elordalyq «Salem» radıosy belsene atsalysýda.
Arýlar merekesinde qazaqstandyq óner juldyzdary Qydyráli men Qaraqat, Erkin Nurjan, Marjan Arapbaeva, Meırambek Besbaev, Nurlan Espanov, «Beles», «Báıterek» «Z» toptary óner kórsetedi.
Arýlardyń arasynan jeńimpazdardy anyqtaıtyn qazylar tobynyń quramynda belgili mádenıet qaıratkerleri bar. «Jańadan ashylyp, oqyrmandaryna jol tartqan «Elbesik» jurnaly negizinen jastarǵa, ulttyq salt-dástúrlerimizdi nasıhattaýǵa arnalǵan ımıdjdik basylym. «Elbesik» arýy basylymymyzdyń alǵashqy úlken jobasy. Óner keshinde memlekettik organdar ókilderi, Parlament depýtattary, belgili qoǵam qaıratkerleri qatysqaly otyr», deıdi jurnaldyń bas redaktory Gúlaıym Oralbaeva.
