Astanada Elbasynyń saıası beınesin sıpattaıtyn qoıylymnyń tusaýy kesildi
Búgin Elbasy Nursultan Nazarbaevtyń kórkem beınesi Uıǵyr teatrynyń sahnasynda kórinis tapty.
Prezıdent Nursultan Nazarbaevtyń saıası erik-jigeriniń arqasynda Uly Daladaǵy myńjyldyqtar toǵysynda jańa Qazaqstandy beıneleıtin tamasha qala qurylǵany barshamyzǵa aıan.
QR Mádenıet jáne sport mınıstrliginiń qoldaýymen Q. Qojamııarov atyndaǵy Uıǵyr mýzykalyq komedııa teatry Astana qalasynyń 20 jyldyq mereıtoıy aıasynda kórermender nazaryna Nursultan Nazarbaevtyń «Qazaqstan joly» kitaby boıynsha «Astana» pýblıtsıstıkalyq spektaklin usyndy.
Qoıylymda Astanany aýystyrý men salýdaǵy Elbasynyń qaharmandyǵy men kemeńger kóregendigi, sondaı-aq, onyń júırik oılaý obrazy uıǵyr teatry sahnasynda tuńǵysh ret qoıylýda.
«Astana tarıhyn Elbasy esimimen baılanystyra qaraý, jańa qala salyp, elordany kóshirý Prezıdenttiń ıdeıasy ekenin bilemiz. Sonymen qatar, elordany aýystyrýda Elbasymen kelispegen kóptegen qarsylyqtardyń da bolǵanyn bilemiz. Alǵashqy alasapyran kezdegi qıynshylyqtar men problemalar keńinen oılap, naqty pikir túıýge mursha bermese de, danyshpan Elbasyny kókeıinde tunǵan oı men ańsarly arman únemi alańdatýmen boldy. Elordany otanymyzdyń Ortalyq bóligine kóshirýdiń asa mańyzdy strategııalyq saıası-áleýmettik, qoǵamdyq rýhanııattyq mańyzy daý týǵyzbaıtyn shyndyq edi», - deıdi «Astana» qoıylymynyń ıdeıa avtory jáne qoıýshy rejısseri, QR Halyq ártisi Murat Ahmadıev.
Onyń aıtýynsha, Astanany kóshirý bastamasy birden qoldaý tappasa da, Elbasynyń tabandylyǵynyń arqasynda eshbir kedergige, kúdikterge qaramastan, Arqa tósinde ásem shahar boı kóterdi. Jas astananyń jetistigine degen senim Qazaqstan halqynyń qoldaýyna ulasty, ol jaýapty saıası sheshimdi qoldady. Rejısser aıtqandaı shyǵarmanyń meńzeýi de soǵan saıady.
Elordadaǵy "Beıbitshilik jáne kelisim" saraıynyń tórinde qoıylǵan «Astana» pýblıtsıstıkalyq spektakline teatr ujymy jarty jylǵa jýyq daıyndalǵan jáne sahnalaýǵa 90-ǵa jýyq ártis qatysýda.
