Astanada Elbasynyń qatysýymen «Jas Otan» jastar qanatynyń ІІ sezi bastaldy
Alqaly jıyn barysynda «Nur Otan» HDP «Jas Otan» jastar qanatynyń 2020 jylǵa deıingi strategııasyn qabyldaý, uıymnyń Atqarýshy hatshysyn, Ortalyq keńesiniń múshelerin saılaý, jastar qanatynyń Jarǵysyna tolyqtyrýlar men ózgertýler engizý kózdelgen.
Jaqyn bolashaqtaǵy ózderiniń basty qujaty «Jastar - Otanǵa!» dep atalatyn 2020 jylǵa deıingi strategııany talqylaý úshin elimizdiń túpkir-túpkirinen 1100-nan astam delegat jınaldy.
Aıta keteıik, atalǵan strategııa jobasy respýblıkanyń barlyq aımaqtarynda talqylaýdan ótken bolatyn. Kez kelgen adam óz usynysyn ortaǵa salý múmkindigine ıe boldy jáne olardyń basym bóligi búgingi talqylanatyn qujatqa endi. Nátıjesinde «Jas Otan» jastar qanatynyń is-qımyl strategııasynyń jobasynda qyzmettiń 11 basty baǵyty aıqyndaldy. Onyń ishinde sapaly bilim, mádenı damý jáne birlik, jastar kásipkerligin damytý, ǵylymdy damytý, eriktiler qozǵalysy jáne taǵy da basqalary bar.
