Astanada Elbasynyń qatysýymen halyqaralyq ınnovatsııalyq forým ótedi
«Digital Bridg» halyqaralyq ınnovatsııalyq forýmy 5 qarashada EKSPO aýmaǵyndaǵy Kongres-ortalyqta ótedi. Forýmnyń maqsaty - ózara tájirıbe almasý, ınnovatsııalyq jáne tsıfrly jobalardy damytý úshin Azııa men Eýropa elderiniń arasynda vırtýaldy kópir salý bolyp tabylady. Sonymen birge, atalmysh forýmnyń bazasy arqyly dıalogty alań qura otyryp, halyqaralyq nazardy Qazaqstanǵa aýdarǵymyz keledi», - deıdi QR Aqparat jáne kommýnıkatsııalar vıtse-mınıstri Dınara Şeglova búgin OKQ-da ótken baspasóz máslıhatynda.
«Digital Bridg» halyqaralyq ınnovatsııalyq forýmynda Memleket basshysynyń qatysýymen Astana Hub tehnoparkiniń tanystyrylymy ótip, IT-ındýstrııa salasyndaǵy syılaqtar tabys etiledi. Dınara Şeglovanyń aıtýynsha, halyqaralyq forýmǵa ІT-qaýymdastyqtardyń ókilderi, tehnologııa salasynda moıyndalǵan sarapshylar, kásiporyndardyń basshylary men ǵalymdar men venchýrly kapıtalıster qatysady.
Vıtse-mınıstr atap ótkendeı, shara aıasynda Qazaqstandaǵy tsıfrlandyrý salasyndaǵy eń birinshi - «Digital Bridge Awards» syılyǵy tabys etilmek.
«Bul syılyq ІT salasyndaǵy otandyq kompanııalardy jigerlendirý túser degen senimdemiz. Syılaq álbette memlekettik bılik pen jergilikti ózin-óiz basqarý organdarynyń da jumysy belsendi ókilderiniń jigerin janı túseri anyq. Digital Bridge Awards syılyǵy «Eń úzdik tsıfrly bastama», «Eń úzdik tsıfrlandyrý keńsesi» jáne «eń úzdik ІT-kompanııa» nomınatsııalary boıynsha beriledi», - deıdi D.Şeglova.
