Astanada Elbasyn Ulyqtaý rásimine arnalǵan kontsert ótip jatyr

Kontserttik baǵdarlama barysynda Táýelsiz Qazaqstan tarıhynda bolǵan EQYU Sammıti men 7-shi qysqy Azııa oıyndary syndy eleýli oqıǵalar eske alynyp, 2011 jyldyń basty tarıhı oqıǵasy - 3 sáýirde ótken Prezıdent saılaýy taqyryby molynan qamtyldy.

Kontsertti júrgizýshi, kezekten tys prezıdenttik saılaýda Nursultan Nazarbaev úlken basymdyqpen jeńiske jetkenin atap óte kele: «3 sáýir - halqymyzdyń birligin, azamattyq belsendiligin taǵy bir márte kórsetken kún boldy, Qazaqstan halqy el bolashaǵy týraly oılady», - dedi.

Endi Qazaqstan Elbasymen birge Eýropalyq qaıta qurý jáne Damý banki Dırektorlar keńesiniń jyl saıynǵy otyrysyn; Shanhaı yntymaqtastyǵy uıymyna múshe elder basshylarynyń otyrysyn; qazaqstandyq jáne sheteldik 150 spıker, musylman áleminiń iskerlik ortasynyń ókilderi qatysatyn 7-shi Búkilálemdik ıslam ekonomıkalyq forýmy men IV Astanalyq ekonomıkalyq forýmyn ótkizýge ázirlenedi.

Búgingi merekelik keshte astanalyqtar aldynda Nurǵalı Turlybekov, Dıanora, Erbolat Qudaıbergenov, Marjan Arapbaeva, «MýzArt» toby, «Dabyl» dýeti, Maqpal Isabekova,Medet Shaıkelov, Dıana Maeva men basqa da qazaqstandyq oryndaýshylar óner kórsetti.

Kontsert merekelik otshashýmen aıaqtalady dep kútilýde.