Astanada Elbasy Joldaýyn aqparattyq jáne saraptamalyq súıemeldeýdi uıymdastyrý máseleleri talqylandy
ASTANA. QazAqparat - Búgin Astana qalasynda QR Prezıdenti N.Á.Nazarbaevtyń 2015 jylǵy 30 qarashadaǵy «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýyn aqparattyq jáne saraptamalyq súıemeldeýdi uıymdastyrý máseleleri boıynsha respýblıkalyq keńes ótti.
Keńeske QR Premer-Mınıstriniń orynbasary D.N.Nazarbaeva, QR Prezıdenti Ákimshiligi basshysynyń orynbasary B.A.Maılybaev, QR Úkimetiniń músheleri, «Nur Otan» partııasynyń ókilderi, Parlament palatalary apparattarynyń jetekshileri, mınıstrlikterdiń jaýapty hatshylary, qoǵamdyq birlestikterdiń, JOO-nyń, respýblıkalyq BAQ-tardyń basshylary, memlekettik organdardyń baspasóz hatshylary, Astana, Almaty qalalary men oblys ákimderi orynbasarlary jáne ishki saıasat basqarmalary basshylary qatysty. QR Premer-Mınıstriniń orynbasary D.Nazarbaeva álemdik ekonomıkalyq daǵdarys kezinde Qazaqstannyń odan ári damýy úshin Prezıdent Joldaýynyń áleýmettik baǵyttylyǵy men aıryqsha mańyzdylyǵyna basa mán berdi. Darıǵa Nursultanqyzy daǵdarysqa qaramastan Joldaý áleýmettik salaǵa baǵyttalǵanyn, Prezıdent turǵyndar aldyndaǵy barlyq áleýmettik mindettemelerdi tolyq kólemde qamtamasyz etý týraly Úkimetke naqty mindetter júktep otyrǵanyn atap ótti. «Joldaý adamdardyń kúndelikti ómirindegi máselelerdi sheshýge múmkindik beredi, bul aldyn alý sharalarynyń júıeli jospary jáne ol jahandyq daǵdarys kezinde turaqtylyq pen damýdy qamtamasyz etedi», dep toqtaldy QR Prezıdenti Ákimshiligi basshysynyń orynbasary B.Maılybaev. Prezıdent Joldaýy - jumysqa tartýdyń baǵdarlamasy, basty saıası mindet - onyń tóńireginde barlyq halyqty biriktirý ekendigin de B.Maılybaev basa aıtty. Sondaı-aq ol Joldaýda aıtylǵan Memleket basshysy tapsyrmalarynyń júzege asyrylýyn keshendi aqparattyq súıemeldeýdiń baǵyttary men baǵdarlaryna toqtaldy. Keńes barysynda Joldaýdyń negizgi baǵyttary boıynsha «Nur Otan» partııasy Tóraǵasynyń birinshi orynbasary A.Myrzahmetov, Densaýlyq saqtaý jáne áleýmettik damý mınıstri T.Dúısenova, Qarjy mınıstri B.Sultanov, Investıtsııalar jáne damý mınıstri Á.Isekeshev, QR Prezıdentiniń janyndaǵy Ortalyq kommýnıkatsııalar qyzmetiniń dırektory E.Babaqumarov sóz sóıledi. Keńes qorytyndysy boıynsha qatysýshylarǵa naqty tapsyrmalar men usynymdar berildi.
