Astanada «Elbasy jáne Táýelsizdik» taqyrybynda «dóńgelek ústel» ótedi
Dóńgelek ústel jumysyna Qazaqstan Respýblıkasy Prezıdenti Ákimshiliginiń, Qazaqstan Respýblıkasy Parlamentiniń, Qazaqstan Respýblıkasy Prezıdenti janyndaǵy Memlekettik basqarý akademııasynyń, Qazaqstan Respýblıkasy Ortalyq saılaý komıssııasynyń ókilderi, ǵalymdar, zertteýshiler qatysady.
Sharanyń maqsaty - táýelsiz memlekettiń qalyptasýy men damý tarıhynyń ózekti máselelerin, Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń qazaqstandyq memlekettilikti qurýdaǵy, táýelsiz Qazaqstannyń damýyndaǵy, qoǵamnyń demokratııalanýy men prezıdenttik ınstıtýttyń nyǵaıýyndaǵy tarıhı rólin, halyqty biriktirý úderisine, beıbitshilik pen kelisimdi nyǵaıtýǵa, sol sııaqty eldiń syrtqy saıası strategııasyn aıqyndaýǵa qosqan úlesin talqylaý.
2012 jyldyń 1 jeltoqsanynda elimiz alǵash ret Qazaqstan Respýblıkasy Tuńǵysh Prezıdentiniń kúnin atap ótti. Jańa memlekettik mereke jónindegi usynysty Senat depýtattarynyń bir toby el táýelsizdiginiń 20 jyldyq merekesi qarsańynda jasaǵan bolatyn. 2011 jyldyń 14 jeltoqsanynda Memleket basshysy N.Á. Nazarbaev jańa memlekettik merekeni - 1 jeltoqsanda atalyp ótiletin Qazaqstan Respýblıkasynyń Tuńǵysh Prezıdenti Kúnin belgileýdi qarastyratyn «Qazaqstan Respýblıkasyndaǵy merekeler týraly» Qazaqstan Respýblıkasy Zańyna tolyqtyrýlar engizý týraly» Qazaqstan Respýblıkasynyń Zańyna qol qoıdy.
Jeltoqsan aıynda memlekettik aıryqsha mańyzy bar «Qazaqstan Respýblıkasynyń memlekettik táýelsizdigi týraly» Konstıtýtsııalyq Zańy qabyldandy. Respýblıkanyń Joǵarǵy Keńesi halyqtyń erkin bildire otyryp, 1991 jyly 16 jeltoqsanda saltanatty túrde memleketimizdiń táýelsizdigin jarııalady. Bul mańyzdy oqıǵa jańa tarıhtyń, negizin Qazaqstan Respýblıkasynyń Tuńǵysh Prezıdenti - Elbasy N.Á. Nazarbaev qalaǵan jas egemen memlekettiń qalyptasý tarıhynyń bastaýy boldy.
Táýelsiz Qazaqstan tarıhynda erekshe oryn alatyn oqıǵa - elordamyz Astana qalasynyń qurylýy. Jeltoqsan aıynyń 10-juldyzynda qalanyń respýblıka astanasy bolyp jarııalanǵanyna 15 jyl tolady. Elimizdiń maqtanyshy men birliginiń sımvolyna aınalǵan Astana - Elbasy N.Á. Nazarbaevtyń tóltýyndysy.
Nursultan Ábishuly Nazarbaev tarıhqa esimi egemendi Qazaqstannyń jasampaz jetistikterimen baılanysty tulǵa, óz halqyna, óz Otanyna qyzmet etýdiń jarqyn úlgisi bolyp tabylatyn álemdik aýqymdaǵy kórnekti qaıratker retinde endi.
