Astanada «Elbasy jáne men» fotobaıqaýy bastaldy
ASTANA. QazAqparat - Qazaqstan Respýblıkasy Tuńǵysh Prezıdentiniń kúnine arnalǵan «Elbasy jáne men» respýblıkalyq fotobaıqaýynyń bastalǵany týraly jas kóshbasshylar forýmy barysynda belgili boldy, dep habarlaıdy QazAqparat ákimdiktiń saıtyna silteme jasap.
Prezıdentpen túsken úzdik foto baıqaý 14-30 qarasha aralyǵynda ótedi. Baıqaýǵa qatysýshyǵa mynadaı talaptar qoıylady: Qazaqstan Respýblıkasy Prezıdentimen túsken sýretti Instagram jelisindegi paraqshasyna #ElbasyJaneMen heshtegimen jarııalaý, jazbanyń astyna QR QDM Jastar jáne otbasy komıtetin @kdms.gov belgileý, Instagram-daǵy QR QDM jastar jáne otbasy komıtetiniń @kdms.gov paraqshasyna, QR Qoǵamdyq damý mınıstrliginiń paraqshasyna @kdm.gov.kz, qalalyq qoǵamdyq damý isteri basqarmasynyń @qogamdyk_damy_astana paraqshasyna jazylý.
«Jobanyń basty maqsaty - Qazaqstan Respýblıkasynyń Tuńǵysh Prezıdenti kúnin merekeleýdi nasıhattaý, aldaǵy ýaqytta qoǵamda Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń qazaqstandyq memleketti qalyptastyrýdaǵy tarıhı rolin aýqymdy etip, kúsheıte túsý», - dedi QR qoǵamdyq damý mınıstrliginiń jastar jáne otbasy komıtetiniń jetekshisi Ashat Oralov.
Baıqaýdyń qorytyndysy boıynsha jeńimpazdar úsh syılyq sanatynda baǵaly syılyqtarǵa ıe bolady, al ádilqazylar tańdaǵan eń úzdik sýretter «Mega Silk Way» OSO, Tuńǵysh Prezıdent kitaphanasy, Han Shatyr OSO fotokórmesine qoıylady.
Baıqaýda Jastar jáne otbasy komıtetiniń paraqshasynda eń kóp laık jınaǵan qatysýshy jeńimpaz atanady.
Foto: www.akorda.kz
