Astanada «Elbasy jáne memlekettik til» atty jańa jınaq tanystyrylady
ANA. 28 maýsym. QazAqparat - Erteń Astanada «Memlekettik tildi damytý» Prezıdenttik qory Táýelsizdiktiń 20 jyldyǵyna arnalǵan jańa jobasyn - «Elbasy jáne memlekettik til» atty jınaǵyn tanystyrmaq.
Bul týraly Qordyń baspasóz qyzmeti habarlady.
Prezıdenttik qor men Halyqaralyq «Qazaq tili» qoǵamy birlesip ázirlegen jınaqtyń 2 myń dana taralymmen jaryqqa shyǵýyna «QazMunaıGaz» UK» Aktsıonerlik qoǵamy qoldaý kórsetip otyr.
Eńbek qazaq tiliniń memlekettik til retinde Táýelsiz Qazaqstan tarıhyndaǵy damý kezeńderin jáne Ult Elbasy Nursultan Nazarbaevtyń til máselesindegi syndarly saıasatyn aıqyndaı túsedi.
Jańa basylymdy jurtshylyq nazaryna tanystyrý Halyqaralyq «Qazaq tili» qoǵamynyń Prezıdenti, akademık Ómirzaq Aıtbaıulynyń, «Memlekettik tildi damytý» Prezıdenttik qorynyń dırektory Azat Sháýeevtiń jáne «QazMunaıGaz» UK AQ-nyń qoǵammen baılanys departamentiniń dırektory Ǵalym Tumabaevtyń qatysýymen ótedi.
