Astanada «El qorǵany - Er Jánibek» atty halyqaralyq aqyndar aıtysy ótedi
ASTANA. QazAqparat - 17 maýsym kúni elordadaǵy Beıbitshilik jáne kelisim saıraıynda batyr Er Jánibek Berdáýletulynyń 300 jyldyq mereıtoıyna arnalǵan «El qorǵany - Er Jánibek» atty halyqaralyq aqyndar aıtys ótedi.
«Nur Otan» partııasynyń qoldaýymen «Er Jánibek» halyqaralyq qory Aıtys aqyndary men jyrshy, termeshileriniń halyqaralyq odaǵymen birlesip ótkizip jatqan sharaǵa qazaqstandyq jyr dúldúlderinen ózge, Qytaı, Monǵolııa elderiniń aıtyskerleri qatysady dep kútilýde.
Atap aıtqanda, Qytaıdan Qanatbek Záıtollauly, Anargúl Bádelhanqyzy, Monǵolııadan Sátjan Tilashqan sekildi qandastarymyz óz ónerlerin ortaǵa salsa, Maqsat Aqanov, Aıbek Qalıev, Qarlyǵash Áýbákirova, Erkebulan Qaınazar, Ásem Erejeqyzy, Baýyrjan Qalıolla, Iran-Ǵaıyp Kúzembaev, Erjeńis Ábdi, Rınat Zaıytov, Jaqsylyq Orynbasar, Meıirbek Sultanqan syndy aqyndar qazaq eliniń atynan sóz saıystyrady.
Ulttyq ónerimizdi ulyqtaıtyn aǵaıyndy 17 maýsym kúni saǵat 17.00-de Astanadaǵy Beıbitshilik jáne kelisim saraıyna shaqyramyz, dep habarlaıdy kazaitys.kz.
