Astanada EQYU sammıtiniń Sholý konferentsııasyna qatysýshylar balet keshin tamashalady

Kontsert baǵdarlamasy balet janryndaǵy álemge belgili klassıkalyq týyndylardyń jıyntyǵynan turdy - P.Chaıkovskııdiń «Şelkýnchık», K. Sen-Sanstyń «Ólim aýzyndaǵy aqqý», L.Mınkýstyń «Baıaderka» jáne taǵy basqalar. Elorda teatrynyń sahnasynda halyqaralyq baıqaýlar men festıvaldardyń jeńimpazdary, atap aıtqanda Taır Gataýov, Eldar Sársembaev, Ánel Abdýllına, Rústem Seıitbekov, Marına Qadyrqulova, Gýlfaırýz Qurmanǵojaeva, Jandos Áýbákirov jáne basqalar óner kórsetti.

Teatrdyń bas baletmeısteri, QR eńbek sińirgen qaıratkeri Tursynbek Nurqalıevtyń aıtýynsha, sheteldik qonaqtarǵa Qazaqstannyń balet mektebi álemdik deńgeıdegi týyndylardy ózgelerden kem túspeı oryndaı alatyndyǵyn, Qazaqstannyń balet óneriniń dástúri tereńnen bastaý alatyndyǵyn kórsetý boldy. Kórermenderdiń tynbaı soqqan shapalaqtaryna qaraǵanda ártisterimiz meımandardyń kóńilinen shyqty.

Aıta keteıik, 1-2 jeltoqsan kúnderi Astanada ótetin EQYU-ǵa múshe elder basshylarynyń Sammıti aıasyndaǵy Sholý konferentsııa óz jumysyn 26 qarasha kúni bastady. Oǵan EQYU-ǵa múshe elderdiń ulttyq delegatsııalary, otandyq jáne shet eldik úkimettik emes uıymdar men buqaralyq aqparat quraldarynyń ókilderi, barlyǵy 800-den astam adam qatysýda.