Astanada EQYU Sammıtin ótkizýge 100 kún qaldy
ASTANA. Tamyzdyń 23-i. QazAqparat /Qanat Mámetqazyuly/ - Astanada EQYU Sammıtin ótkizýge 100 kún qaldy. Bul týraly búgin dástúrli dúısenbilik brıfıngte SІM resmı ókili Asqar Ábdirahmanov málim etti.
«Biz halyqaralyq seriktesterimizdiń qoldaýy arqasynda sammıt joǵary deńgeıde ótip, EQYU damýynyń tarıhı satysyna aınalady degen úmittemiz», - dedi resmı ókil. Onyń aıtýynsha, elimizdiń Syrtqy ister mınıstrligi men ózge de memlekettik organdary qazir osy is-sharaǵa belsendi daıyndyq júrgizip jatyr.
Esterińizge sala keteıik, bıylǵy jylǵy tamyzdyń 3-inde EQYU-ǵa múshe memleketterdiń Syrtqy ister mınıstrleri keńesi Astanada 2010 jylǵy jeltoqsannyń 1-2-si kúnderi osy iri halyqaralyq uıymnyń Sammıtin ótkizý týraly naqty sheshim qabyldaǵan bolatyn. Bul búkil postkeńestik keńistik deńgeıinde alǵashqy iri aýqymdy shara bolyp tabylady. Elimizge 55 memlekettiń basshylary, 65 halyqaralyq uıymnyń delegatsııalary, baspasóz ókilderi - barlyǵy birneshe myń qonaq keledi, dep kútilýde.
Bul jaıynda Memleket basshysy : «Joǵary deńgeıde Sammıtti ótkizý, elimizdi kórsetý jáne jas astanada osyndaı forýmdy ótkizý múmkindigi - biz úshin úlken qurmet jáne zor jaýapkershilik», degen bolatyn.
