Astanada EQYU Sammıti kúnderi jedel medıtsınalyq járdemniń 83 brıgadasy kezekshilik etedi - D.Esimov
ASTANA. 15 qarasha. QazAqparat /Gúlmıra Álıakparova/ - Astanada EQYU Sammıti kúnderi jedel medıtsınalyq járdemniń 83 brıgadasy kezekshilik etetin bolady.
Bul týraly búgin ótken baspasóz máslıhatynda Astana qalasy Densaýlyq saqtaý basqarmasynyń bastyǵy Dáýlethan Esimov málim etti.
«Búgingi kúni dári-dármektermen qamtamasyz etý, barlyq avtokólikter men medıtsınalyq beketterdi jabdyqtaý máseleleri sheshildi. Bul kúni barlyǵy 83 medıtsınalyq avtokólik kezekke qoıylady. Onyń ishinde 23 reanomobıl jańadan satyp alyndy. Onymen birge, qalalyq jedel járdem ortalyǵynyń - 40, respýblıkalyq mekemelerdiń - 4, Respýblıkalyq medıtsınalyq jedel járdemǵylymıortalyǵynyń 15 avtokóligi tartylady. Taǵy 13 brıgada rezervke qoıyldy», - dedi ol.
EQYU Sammıtine qatystyrylatyn 3 nysanda medıtsınalyq beketterden bólek, QR Prezıdenti Іs basqarmasy men qalalyq Jedel járdem ortalyǵyna tıesili barlyǵy 12 avtokólik qyzmette bolady.
D.Esimov atap kórsetkendeı, kúndelikti shaqyrtýlarǵa shyǵyp júrgen jedel járdem kólikteriniń jumys tártibinde ózgerister bolmaıdy. ıAǵnı, Esildiń sol jaǵalaýyna sol qalpynda - 6, al oń jaǵalaýǵa 40 avtokólik qyzmet kórsetedi.
Sammıt kúnderi qyzmet kórsetýge barlyǵy 44 emdeý mekemesi daıyndalyp otyr. Onyń 29 - qalalyq Densaýlyq saqtaý basqarmasyna qarasty, 8 - respýblıkalyq, 6 - jekemenshik jáne 1 - Aqmola oblysynyń óńirlik emhanasy.
Sammıt meımandaryn jaıǵastyrýǵa Astanadaǵy 68 qonaqúı tańdap alynǵan bolsa, olardyń ishindegi Memleketter basshylary ornalastyrylatyn nysandarda qalalyq jáne QR Prezıdenti Іs basqarmasynyń medıtsınalyq kólikteri men medıtsınalyq beketteri ornalastyrylady. Osyndaı kólikter 50 adamnan astam adam toqtaǵan qonaqúılerde de kezekshilikke qoıylady. Al medbeketter uıymdastyrylmaǵan meımanhanalar úshin, jaqyn mańdaǵy dárihana, tis emdeý mekemesiniń ornalasý syzbalary bar anyqtamalyqtar ázirlendi.
Bul kúnderi medıtsınalyq beketter men jedel járdem kólikterin qosa eseptegende barlyǵy 714 medıtsına mamany jumys isteıdi. Olardyń - 55 -Astana Medıtsınalyq ýnıversıtetiniń shet tilderin jaqsy meńgergen magıstranttary, 22 - til bilimderin jetildirgen dárigerler.
