Astanada EKSPO-2017 kezinde qurylys jumystaryna ruqsat berý shekteledi
ASTANA. QazAqparat - Astanada EKSPO ótkizý kezinde jer jáne sáýlet-qurylys óndirisine ruqsat berý shekteldi. Bul týraly 3 maýsyda kúshine engen Astana qalasy ákimdiginiń «EKSPO-2017» halyqaralyq mamandandyrylǵan kórmesin ótkizý kezinde Astana qalasynda jer, sáýlet-qurylys jumystaryn júrgizýge baılanysty birqatar máseleler týraly» qaýlysynda aıtylǵan, dep habarlaıdy Elorda.info.
Bul qujat 2017 jyldyń 5 maýsym men 10 qyrkúıek aralyǵynda «EKSPO-2017» halyqaralyq mamandandyrylǵan kórmesin ótkizý kezinde Astana qalasynda jer, sáýlet-qurylys óndirisin júrgizýge ruqsat berýdi shekteıdi. Bul shekteý menshiktiń jekelegen túrine qaramastan barlyq kásiporyndar men uıymdarǵa áreket etedi.
«Astana qalasy «Almaty», «Esil» jáne «Saryarqa» aýdandarynyń ákimderi Astana qalasynda ruqsat etilmegen jer, sáýlet-qurylys jumystaryn baqylaý maqsatynda mobıldi top quryp, Astana qalasy aýmaǵynyń abattyq jaǵdaıyn baqylaýda ustaýy kerek», - delingen Astana qalasynyń ákimi Áset Isekeshovtiń qol qoıǵan qujatynda.
