Astanada EKSPO-2017 aıasynda Bıbigúl Tólegenovanyń halyqaralyq vokalıster konkýrsy ótedi

Qor ókilderi taratqan aqparattarǵa qaraǵanda, halyqaralyq vokalıster konkýrsy jastarymyzdyń nazaryn klassıkalyq jáne halyq mýzykasyna tartýdy maqsat etedi. Konkýrs daryndy jas oryndaýshylardyń bedelin asqaqtatyp, jastarymyzdyń rýhanı damýyna septigin tıgizbek. Qazaq mýzykasynyń tańdaýly úlgilerin oryndaý mádenıetin qaıta jańǵyrtyp, Qazaqstan kompozıtorlary shyǵarmalaryn dáripteýge qyzmet atqarady.

Іrikteý jáne aqtyq kezeń 2017 jyldyń 5 qyrkúıeginen bastap, 10 qyrkúıegine deıingi aralyqta Qazaqstan Respýblıkasy Qarýly kúshteriniń Ulttyq áskerı-patrıottyq ortalyǵynda ótedi. Saltanatty ashylý sharasy 2017 jyly 5 qyrkúıegi kúni saǵat 18-30-da Astana qalasy ákimdiginiń Memlekettik Akademııalyq fılarmonııasynyń Astana kontsert zalynda bolady. Konkýrstyń jabylýy jáne jeńimpazdardy marapattaý saltanaty 2017 jyldyń 10 qyrkúıeginde «Qazaqstan» OKZ sahnasynda, saǵat 18-30-da bastalady.

Sharaǵa Qazaqstannyń túkpir-túkpirinen, taıaý jáne alys shet elderden opera óneriniń has talanttary jınalady. Bıbigúl Tólegenovanyń IX halyqaralyq vokalıster konkýrsy Astana turǵyndary men qonaqtary úshin erekshe kontsert uıymdastyrmaq. Konkýrsqa 1985 jyly 1 qazannan erte emes jáne 1998 jyly 1 qazannan kesh emes týǵan ánshi qyz-jigitter qatysa alady. Konkýrstyq synaq irikteý jáne aqtyq kezeńderinen turady. Barlyq tyńdaýlar kópshilik aldynda ótkiziledi. Óner kórsetý tártibi jerebe tastaý arqyly anyqtalyp, konkýrs sońyna deıin saqtalady. Aqtyq týrǵa 12-14 ónerpaz qatystyrylady. Konkýrsqa qatysýshylardyń ónerin bedeldi ári kásibı qazylar alqasy baǵalaıdy. Konkýrstyń qazylar tóraǵasy - KSRO halyq artısi, Sotsıalıstik eńbek eri, KSRO jáne Qazaqstannyń Memlekettik syılyq laýreaty, akademık Bıbigúl Tólegenova.

Qazylar quramyna Bıbigúl Tólegenovanyń I-VIII halyqaralyq vokalıster konkýrsynyń bas júlde ıegerleri men laýreattary kiredi:

1. Talǵat Musabaev - Qazaqstan Respýblıkasynyń Eńbek sińgen qaıratkeri , «Astana opera» opera jáne balet teatrynyń jetekshi solısti, Halyqaralyq konkýrstar laýreaty, Qazaqstan Respýblıkasy, Astana qalasy;

2. Alfııa Karımova - Bashqurtstan Respýblıkasynyń Eńbek sińgen artısi, «Astana opera» opera jáne balet teatrynyń jetekshi solısi, Halyqaralyq konkýrstardyń laýreaty, Qazaqstan Respýblıkasy, Astana qalasy;

3. Azamat Jelturǵyzov - Qazaqstan Respýblıkasynyń Eńbek sińgen qaıratkeri, Halyqaralyq konkýrstardyń laýreaty, Astana qalasy ákiminiń Memlekettik Akademııalyq fılarmonııasynyń solısi, Qazaq UÓÝ «Vokal óneri jáne hordy dırıjırlik etý» kafedrasynyń professory.

4. Súndet Baıǵojın - Qazaqstan Respýblıkasynyń Eńbek sińgen qaıratkeri, Halyqaralyq konkýrstardyń laýreaty, «Astana opera» opera jáne balet teatrynyń jetekshi solısi, Qazaqstan Respýblıkasy, Astana qalasy;

5. Ramız Ýsmanov - Ózbekstannyń halyq ártisi, Halyqaralyq konkýrstardyń laýreaty, A.Navoı atyndaǵy MAÚT solısti, Ózbekstan, Tashkent qalasy;

6. Dına Hamzına - Qazaqstan Respýblıkasynyń Eńbek sińgen qaıratkeri, Halyqaralyq konkýrstardyń laýreaty, «Astana opera» opera jáne balet teatrynyń jetekshi solısti, Qazaqstan Respýblıkasy, Astana qalasy;

Konkýrstyń jaýapty hatshysy: Raısa Rýzavına - Reseı Mádenıetiniń eńbek sińirgen qyzmetkeri, Reseı, Máskeý qalasy;

Jas ánshilerdiń ónerinn halyqaralyq qazylar alqasy baǵalaıdy. Konkýrstyń negizgi uıymdastyrýshysy - Qazaqstan Respýblıkasynyń Mádenıet jáne sport mınıstrligi, sondaı-aq, «Mıras» Mádenıettiń qoǵamdyq ulttyq qory» Qoǵamdyq qory.