Astanada «Ekspert» klýbynyń otyrysynda ulttyq kompanııalardyń jyl qorytyndylary talqylanady

ASTANA. 25 jeltoqsan. QazAqparat - 26 jeltoqsan kúni «Samuryq-Qazyna» ulttyq ál-aýqat qorynyń janynan qurylǵan «Ekspert» klýbynyń kezekti otyrysy ótedi. Onda «Jyl qorytyndysy: ótken jyl ulttyq kompanııalardyń esinde nesimen qaldy?» degen taqyryp talqylanady.

Bul týraly qordyń qoǵammen baılanys departamenti habarlady.

Ádettegideı klýb otyrysyna saıasatkerler, memlekettik apparat ókilderi, depýtattar, kásipkerler, kósemsózshiler qatysady.

Otyrys barysynda Qor quramyndaǵy iri ulttyq kompanııalardyń jetekshileri óz uıymdarynyń qyzmeti boıynsha ótken 2012 jyldy qorytyndylaıdy.

2011 jyly «Samuryq-Qazyna» AQ janynan qurylǵan «Ekspert» klýby - elimizde bolyp jatqan asa mańyzdy máseleler men áleýmettik-ekonomıkalyq protsesterdi talqylaý úshin qurylǵan ashyq aqparattyq-saraptama alańy. Klýb óz jumysynda ashyqtyq prıntsıpine súıenedi, taraptardyń eshbirine bura tartpaıdy, shyndyqty izdeýge jáne mámilege kelýge talpynys jasaıdy.