Astanada ekskýrsııalyq tegin avtobýstar qatynaıdy
Astana qalasynyń 20 jyldyǵy jáne Halyqaralyq balalardy qorǵaý kúnine oraı 1, 2 jáne 3 maýsym kúnderi elorda turǵyndary men qonaqtary «Red Bus» avtobýstarymen qalanyń sol jaǵalaýyn tegin aralaıtyn bolady.
Ekskýrsııa «AiLand» (okeanarıým) kóńil-kóterý ortalyǵynan jáne «MEGA Silkway» saýda, oıyn-saýyq ortalyǵynan bastalady.
Aýdıogıdter avtobýs ishindegi dybys kúsheıtkishter arqyly qazaq jáne orys tilderinde kórikti oryndar men nysandar týraly málimetter berip otyrady (bir reıs - qazaq tilinde, ekinshi reıs - orys tilinde, aýysý arqyly).
Ekskýrsııany belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeıdi.
Barlyq suraqtar boıynsha call-ortalyqqa habarlasýǵa bolady: +7 777 555 75 75, 77-90-99.
«AiLand» aıaldamasynan qozǵalý ýaqyty:
- saǵ. 10.00 (qazaq tilinde);
- saǵ. 12.05 (orys tilinde);
- saǵ. 14.45 (qazaq tilinde);
- saǵ. 16.50 (orys tilinde);
- saǵ. 18.55 (qazaq tilinde).
Aıaldamalar «Han Shatyr» SOSO, «Máńgilik El» saltanat qaqpasy, «MEGA SilkWay» SOSO, Ulttyq mýzeı jáne «Astana Báıterek» monýmenti.
«MEGA Silkway» aıaldamasynan qozǵalý ýaqyty:
- saǵ. 10.00 (qazaq tilinde);
- saǵ. 12.05 (orys tilinde);
- saǵ. 14.45 (qazaq tilinde);
- saǵ. 16.50 (orys tilinde);
- saǵ. 18.55 (qazaq tilinde).
Aıaldamalar: Ulttyq mýzeı, «Astana Báıterek» monýmenti, «AiLand» (okeanarıým) kóńil-kóterý ortalyǵy, «Han Shatyr» SOSO jáne «Máńgilik El» saltanat qaqpasy.
