Astanada eks-dıplomat Sáken Mamashqa qatysty sot otyrysy bastaldy

ASTANA. KAZINFORM – Eske salaıyq, Qazaqstannyń Birikken Arab Ámirlikterindegi elshisiniń keńesshisi bolǵan Sáken Mamashqa áıelin jyldar boıy uryp keldi degen aıyp taǵylyp, is sotqa jetti. 

Іsti Astana qalalyq aýdanaralyq qylmystyq ister soty qarap jatyr. Aıta keteıik, jábir kórýshi Karına Mamash jáne aıyptalýshy Sáken Mamash sot protsesin vıdeo, fotoǵa túsirýge qarsy boldy. Sondaı-aq jábir kórýshi tarap sot otyrysynyń jabyq rejımde, ıaǵnı BAQ-tyń qatysýynsyz ótkenin talap etse, aıyptalýshy tarap ashyq rejımde ótkenin talap etti.

Qazir sýdıa Artýr Abdyhanov atalǵan máseleni sheshý maqsatynda sot zalynan shyǵyp ketti.

Aıta keteıik, Qazaqstannyń Birikken Arab Ámirlikterindegi elshiniń keńesshisi bolǵan Sáken Mamash bıyl 4 sáýirde qamaýǵa alyndy. 

Eske sala ketsek, byltyr mamyrda Qazaqstannyń BAÁ-degi elshiliktiń keńesshisi Sáken Mamash áıeline únemi kúsh kórsetkeni, tipti jubaıynyń ápkesine de qol kótergeni týraly habarlaǵan edik. 

Artynsha áıelin urdy dep aıyptalǵan qazaqstandyq dıplomatqa qylmystyq is qozǵaldy. 

Sondaı-aq elshi keńesshisiniń áıeli Karına Mamash daǵdarys ortalyǵyna ornalastyryldy. 

Keıin áıelin urǵan eks-dıplomatqa qatysty taǵy bir qylmystyq is qozǵaldy. 

Bıyl 21 mamyrda áıelin únemi uryp kelgen eks-dıplomat Sáken Mamashtyń isi sotqa jiberildi.