Astanada «EKOmamaFEST-2026» otbasylyq festıvali ótti
ASTANA. KAZINFORM — Elordadaǵy Prezıdent saıabaǵynda jyl saıyn ótetin «EKOmamaFEST-2026» otbasylyq festıvali uıymdastyryldy, dep habarlaıdy Astana ákimdiginiń resmı saıty.
Festıval otbasylardyń, reprodýktolog-dárigerlerdiń, qoǵam qaıratkerleriniń jáne joba seriktesteriniń basyn qosty.
Baǵdarlama aıasynda kontserttik qoıylymdar, «Tusaý kesý» rásimi, qaıyrymdylyq aýktsıony, otbasylyq belsendi is-sharalar, balalarǵa arnalǵan oıyn-saýyq aımaǵy, balalar taýarlarynyń jármeńkesi, sondaı-aq uzaq ýaqyttan keıin sábı súıgen otbasylardyń ómirlik oqıǵalary usynyldy.
Festıvaldiń negizgi sátteriniń biri – «Ańsaǵan sábı baǵdarlamasyna alǵys!» atty jazýy bar merekelik torttyń shyǵýy. Bul rásim bala súıý úshin medıtsınalyq kómekke muqtaj otbasylarǵa kórsetilip otyrǵan memlekettik qoldaýǵa degen alǵysty bildirdi.
Іs-sharaǵa memlekettik organdardyń ókilderi, medıtsınalyq qaýymdastyq músheleri, qoǵam qaıratkerleri jáne medıa tulǵalar qurmetti qonaq retinde qatysty.
Budan buryn Atyraýda «Ańsaǵan sábı» baǵdarlamasy arqyly 500-ge jýyq áıel ana atanǵanyn jazǵanbyz.
