Astanada ekologııalyq zertteýlerge arnalǵan jańa zerthana ashyldy
ASTANA. Qarashanyń 24-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde ekologııalyq zertteýlerdi júrgizýge arnalǵan jańa zerthananyń saltanatty ashylý rásimi boldy,
dep habarlaıdy QazAqparat.
Atalǵan zerthana qorshaǵan ortany qorǵaý salasyndaǵy ınjınırıng pen basqarý jónindegi magıstrlik baǵdarlama aıasynda (MSEME) Qazaqstanda alǵash ret ashylyp otyr. Bul jerde AQSh, Eýropa, Japonııa jáne Reseı elderinen satyp alynǵan 50-den astam arnaıy zertteý qural-jabdyqtary ornatylǵan. Osy zerthananyń negizinde stýdentterdiń oqý-tájirıbelik bilimderin shyńdaý ǵana emes, kommertsııalyq tapsyrystardy oryndaýǵa da múmkindik bar.
Zerthana AQSh-taǵy Nıý-Meksıko ýnıversıteti, AQSh-tyń halyqaralyq damý agenttigi (USAID), Amerıkanyń energetıkalyq qaýymdastyǵy (AES), «Ortalyq Azııadaǵy Eýrazııa» qory jáne Eýrazııa ulttyq ýnıversıtetiniń uıytqy bolýymen ashyldy.
