Astanada ekologııalyq aılyq aıasynda 10 myńǵa jýyq kóshet otyrǵyzyldy
ASTANA. QazAqparat - Astana qalasy Tabıǵı resýrstar jáne tabıǵat paıdalanýdy retteý basqarmasynyń habarlaýynsha, elordada ekologııalyq aılyq aıasynda 10 myńǵa jýyq aǵash otyrǵyzyldy.
Bul týraly elordanyń resmı saıtynda habarlady.
Ekologııalyq aılyq aıasynda qala aýmaǵyn, kósheler, trotýarlar men aýla ishilik aýmaqtardy sanıtarlyq tazartý jumystary atqaryldy. Sondaı-aq, jalpy kólemi 2 805 540 sharshy metr alqap tazartyldy, 47 myńǵa jýyq kóshetter aǵartyldy, 9 720 aǵash otyrǵyzyldy (qyzyl tal, qara úıeńki, qaraǵaı, qaıyń, emen, terekter, sheten), sonymen qatar:
- «Almaty» aýdanynda - 4 214 kóshet (763 kóshet - № 46 kóshesi boıymen Táýelsizdik d-lynan Mırzoıan k-si deıin, 431 kóshet - Baıtursynov k-si boıynda Táýelsizdik d-lynan Sarykól k-si deıin, 520 kóshet - ıÝgo-Vostok yqsham aýdanynda Talǵar, Taskesken jáne Sartaý kóshelerinde, 2 500 kóshet - mektepter, balabaqshalar, aýrýhanalar);
- «Esil» aýdanynda - 4 332 kóshet (1 560 kóshet - Orynbor k-si boıymen Hýseın ben Talal k-si aýdanynan № 31 k-si deıin, 490 kóshet - «Astana Opera» teatry aldynda, 80 kóshet - «Araı» saıabaǵynda, 202 kóshet - «Han Shatyr» SOO aınalmaly jol boıynda, 500 kóshet Ilınka eldi-mekeninde, 1 500 kóshet - mektepter, balabaqshalar, aýrýhanalar);
- «Saryarqa» aýdanynda - 1 174 kóshet (500 kóshet -Tilendıev k-si boıymen, 124 kóshet - Babataıuly k-si, 30 kóshet - Kóktal aýdanynda ornalasqan Qarttar úıi mańaıynda, 520 kóshet - mektepter, balabaqshalar, aýrýhanalar).
Shara aıasynda volonterlar men qoǵamdyq mekemelerdiń qatysýymen Esil, Aqbulaq, Sarybulaq ózenderiniń arnasy men jaǵasyn qoqys pen turmystyq qaldyqtardan tazartý boıynsha ekologııalyq aktsııalar ótkizildi.
Eske sala keteıik, 2015 jylǵy 7 qyrkúıek 7 qazan aralyǵynda elordada sanıtarlyq tazalaý, abattandyrý men kógaldandyrý boıynsha kúzgi ekologııalyq aılyq ótkizildi.
