Astanada ekologııalyq aktsııa barysynda 5 myńnan astam aǵash egildi
ASTANA. 9 qyrkúıek. QazAqparat - QR qorshaǵan ortany qorǵaý mınıstrligi, Qazaqstan halqy Assambleıasy Qazaqstan damý bankiniń qoldaýymen «Aǵashqa ınvestıtsııa salamyz» ekologııalyq aktsııasyn ótkizdi.
Aǵash otyrǵyzý Búkilálemdik sulýlyq kúni Astananyń kórikti jeri «Han shatyr" saýda oıyn-saýyq ortalyǵynynyń qarsysyndaǵy Ǵashyqtar saıabaǵynda boldy.
Búgin munda bes myńnan astam ártúrli aǵash - qaıyń, terek, shaǵan, badam, jóke egildi. QDB top-menedjerleri, QHA ókilderi bul jasyl «kollektsııaǵa» kókterek, úıeńki shybyqtaryn qosty.
«Qorshaǵan ortany qorǵaý mınıstrligi mundaı bastamalardy qyzý qoldaıdy. Qazaqstannyń qalalarynda júzdegen memlekettik jáne jeke uıymdar jumys isteıdi. Eger árbir mekeme aǵash otyrǵyzyp, gúlzarlardy abattandyratyn nemese senbilik ótkizetin bolsa, onyń tıimdiligi óte eleýli bolmaq. Ázirshe qoǵamdyq uıymdar men úkimettik emes uıymdar ǵana osyndaı belsendilik kórsetip otyr», - dep atap ótti Qorshaǵan ortany qorǵaý mınıstrliginiń ekologııalyq saıasat jáne ornyqty damý departamentiniń dırektory Ǵalııa Káribjanova.
«Qazaqstannyń damý banki jobalardy irikteýde ekologııa máselesine kókil bóledi. Qalalardy kógaldandyrý da fabrıkalar men zaýyttar salý sııaqty ózin aıaqtaıdy. Mundaı ınvestıtsııalar elge jáne adamdarǵa naqty paıda keltiredi» - dedi «Qazaqstannyń damý banki» AQ basqarýshy dıretkory Aıjan Imasheva.
Bul aktsııa Astanadaǵy basqa da ekologııalyq sharalardyń jalǵasy boldy. Qalany kógaldandyrýǵa kásipkerler qaýymdastyǵy, jýrnalıster, depýtattar, qoǵam jáne mádenıet qaıratkerleri belsene atsalysty.
