Astanada «Ekologııa boıynsha turaqty damýǵa arnalǵan mekteptik bıznes-joba» IV respýblıkalyq baıqaýynyń laýreattaryna dıplomdar men granttar tapsyryldy
ASTANA. Mamyrdyń 4-i. QazAqparat - Búgin Astanada «Ekologııa boıynsha turaqty damýǵa arnalǵan mekteptik bıznes-joba» IV respýblıkalyq baıqaýynyń laýreattaryna saltanatty túrde dıplomdar men granttar tabys etildi.
Dástúrli baıqaýdyń maqsaty - oqýshylarǵa alǵan bilimderin kúndelikti ómirde paıdalanýlaryna jaǵdaı jasaý jáne olardyń yntalaryn arttyrý, adamdardyń nazaryn ekologııalyq júıeler men adam densaýlyǵyn saqtaýǵa, qorshaǵan ortaǵa uqyptylyqpen qarap ony utymdy paıdalanýǵa aýdartý.
QR Bilim jáne ǵylym mınıstrliginen málim etkendeı, baıqaýǵa qatysýshylardyń sany jyl sanap artyp keledi. Máselen 2007 jyly qazylar alqasynyń qaraýyna 52 joba túsken bolsa, 2008 jyly - 61, 2009 jyly - 104, 2010 jyly - 205 joba qabyldanǵan.
Qatysýshylar óz óńirlerindegi ekologııalyq problemalardy jiti zerdelep, zertteıdi. Keıin qalyptasqan jaǵdaıdy joıý jáne odan shyǵýdyń naqty joldary usynylǵan bıznes-jobalar jasaıdy.
Qazylar alqasy qyzyǵýshylyq tanytqan jobalardyń arasynda - «Densaýlyqtyń alma aǵashy», «Abaılańyz, qoqys!», «Búldirshinderge arnalǵan ertegi qalashyq», «Meniń ekodromym», «Meniń úıimdegi sý» jáne taǵy basqalary bar.
«Shevron» kompanııasynyń qarjylaı qoldaýymen respýblıkanyń 11 óńirinen qatysqan 18 mektep ujymy óz jobalaryn júzege asyrýǵa múmkindik alatyn bolady.
Baıqaýdy «Shevron» kompanııasynyń qarjylaı qoldaýymen QR Bilim jáne ǵylym mınıstrligi jáne «Jastardyń jetistikteri» balamaly bilim berý ortalyǵy uıymdastyrdy.
