Astanada eko-asar sharasy ótedi
ASTANA. QazAqparat - Astana qalasynda alǵashqy ret Dúnıejúzilik qorshaǵan ortany qorǵaý kúnine oraı «Qaıta óńdeý!» taqyrybynda eko-asar is-sharasy ótedi, dep habarlaıdy Astana qalasy ákimdiginiń resmı saıty.
Eko-asarda Siz Qazaqstan Respýblıkasynyń qaldyqtardy óńdeý salasy jaıly kóbirek bilip, eko-vıktorınada jáne baǵaly júldelerdiń utys oıynyna qatysa alasyz. Neni óńdeıdi? Qalaı óńdeıdi? Qaldyqtardy qalaı durys suryptaý? Óńdelgen qaıtalama shıki zattan ne alýǵa bolady?
Ózińizben birge qoldanylǵan batareıalardy, synapy bar shamdardy, elektrıkalyq tehnıkalardy (eski telefondar, kalkýlıatorlar, magnıtofondar, kolonkalar, útikter jáne t.b.), palstıkterdiń barlyq túrin (PET, PEND, PVH, PEVD), makýlatýralardy (karton, kitaptar, dápterler, gazetalar, jýrnaldar jáne t.b.) alyp keleńiz. Osylardyń barlyǵy «ekinshi ómirin» alyp jáne óńdeýge ketedi.
Aktsııa «Qazaqstan» sport saraıynyń aýmaǵynda 2 maýsym kúni saǵat 11.00-den 17.00-ge deıin ótedi.
