Astanada ekinshi aýysymnyń oqýshylary qashyqtan oqıdy

ASTANA. KAZINFORM — Qalalyq bilim bóliminiń baspasóz qyzmeti Astana qalasynda ekinshi aýysymnyń 0-9 synyp oqýshylary onlaın formatta oqıtynyn habarlady.

— 2024 jylǵy 7 qarasha kúni aýa raıynyń qolaısyzdyǵyna baılanysty ekinshi aýysymnyń 0-9 synyp oqýshylary qashyqtan oqytý formatyna aýystyrylady, — delingen habarlamada.

Aıta keteıik, búgin birinshi aýysymnyń 0-7 synyp oqýshylary qashyqtan oqyp jatyr.

Buǵan deıin qatty jelge baılanysty Pavlodar oblysynyń barlyq aımaǵynda sabaqtar onlaınǵa kóshirilgen edi.

Sonymen qatar, Astanada aýa raıyna baılanysty reıster keshikti. 

Budan bólek, Aqtóbe, Aqmola, Qostanaı, Jambyl, Túrkistan oblystarynda kólik quraldarynyń barlyq túrleriniń qozǵalysy jabylǵanyn jazǵan bolatynbyz.