Astanada ekinshi áýejaı salynýy múmkin be — Ákim jaýaby

ASTANA. KAZINFORM — Astana ákimi Jeńis Qasymbek elordada ekinshi áýejaı salynýy múmkin degen qaýeset jóninde pikir bildirdi.

— Bul qaýeset. Alaıda bolashaqta qosymsha áýejaı salý qajet bolǵan jaǵdaıda, Bas josparda birneshe ýchaske qarastyrylǵan, — dedi Jeńis Qasymbek Ortalyq kommýnıkatsııalar qyzmetinde ótken brıfıngte.

Ákimniń aıtýynsha, kez kelgen astana belgili bir kezeńde ekinshi, tipti odan da kóp áýejaılardyń qajettiligine tap bolady.

— Qazirgi ýaqytta biz qoldanystaǵy áýejaıdyń múmkindikterin paıdalaný baǵytynda jumys isteımiz. Onyń qýatyn eki esege arttyrýdy josparlap otyrmyz. Biraq keleshekte onyń temirjol jelilerinen alys ornalasýyn eskersek, mundaı josparlar paıda bolýy múmkin, — dedi J. Qasymbek.

Buǵan deıin Jeńis Qasymbek Kishi Taldykóldegi ekopark qurylysynyń ne sebepti bıyl bastalmaǵanyn túsindirgen edi.