Astanada ekinshi aýysymdaǵy 0-11 synyp oqýshylary úıden oqıdy
NUR-SULTAN. QazAqparat – Elordada ekinshi aýysym oqýshylary onlaın formatta oqıdy, dep habarlaıdy QazAqparat.
«12 qańtar kúni aýa raıynyń qolaısyzdyǵyna baılanysty (kórý múmkindiginiń nasharlaýy) ІІ aýysymdaǵy 0-11 synyp oqýshylary qashyqtan oqýǵa kóshiriledi», - delingen qalalyq Bilim basqarmasynyń aqparatynda.
Eske salaıyq, «Qazgıdromet» birneshe óńirde eskertý jarııalaǵan bolatyn. Osy ýaqytta qar, boran, joldyń kórinbeýi saldarynan 3 óńirde avtojoldar ishinara jabyldy.
Aqmola oblysynda:
- «Kókshetaý-Rýzaevka» 0-61 km aralyǵy, Kókshetaý qalasy - Soltústik Qazaqstan oblysynyń shekarasy ýchaskesi
- «Kókshetaý-Omby» 0-51 km aralyǵy, Kókshetaý qalasy - Soltústik Qazaqstan oblysynyń shekarasy ýchaskesi
- «Nur-Sultan-Petropavl» 304-341 km aralyǵy, Kókshetaý qalasy - Soltústik Qazaqstan oblysynyń shekarasy ýchaskesi.
- «Makınsk-Aqsý-Torǵaı» 0-240 km aralyǵy, Makınsk aýyly - Torǵaı aýyly ýchaskesi.
Soltústik Qazaqstan oblysynda:
-barlyq baǵyttar boıynsha.
- «Ekaterınbýrg-Almaty» 686-729 km aralyǵy, Sarykól aýyly - Soltústik Qazaqstan oblysynyń shekarasy ýchaskesi.
- «Mamlıýtka-Qostanaı» 180-250 km aralyǵy, Soltústik Qazaqstan oblysynyń shekarasy - Uzynkól aýyly ýchaskesi.
