Astanada eki jigit avtokólik kópiriniń doǵalyna órmelep shyqty
ASTANA. QazAqparat - Elordanyń kórinisin tamashalaý úshin avtokólik kópiriniń arkasyna minip alǵan eki astanalyqqa 42 420 teńgege aıyppul salyndy, dep habarlaıdy QazAqparat.
«2016 jyldyń 3 qazanynda saǵat 20:30 kezinde Astana qalasy ІІD jedel basqarý ortalyǵynyń «102» pýltine belgisiz eki adam Qabanbaı batyr dańǵyly boıyndaǵy avtokólik kópiriniń doǵalyna órmelep shyqqandyǵy týraly aqparat kelip tústi. Atalǵan fakti boıynsha oqıǵa ornyna departamenttiń jergilikti polıtsııa qyzmetiniń sholǵynshylary jiberilip, sol jerden 1988 jáne 1995 jyly týǵan eki qala turǵyny ustaldy. Olar bul áreketine jaýap berý kezinde kópir doǵalyna shahardyń kórinisin bıikten tamashalaý úshin shyqqanyn aıtty»,-dep habarlandy qalalyq ІІD baspasóz qyzmetinen.
Jigitterdiń bul áreketi usaq buzaqylyq retinde baǵalandy. Quqyq buzýshylarǵa qatysty ákimshilik materıaldar toltyryldy.
Astana qalasynyń Mamandandyrylǵan aýdanaralyq ákimshilik soty 28 jáne 21 jastaǵy eki turǵynǵa qatysty árqaısysyna 10 AEK (21210 teńge) kóleminde aıppul salý sheshimin shyǵardy.
