Astanada eki jastyń tanystyǵy spaıkıngpen aıaqtaldy

ASTANA. QazAqparat – Astanada eki jastyń tanystyǵy spaıkıngpen aıaqtalǵan, dep habarlaıdy QazAqparat Polisia.kz-ke silteme jasap.

Polıtsııaǵa jas qyz aryzdanyp, syrttaı tanys adamnyń kofege esirtki zatyn aralastyryp bergenin aıtqan. Tergeý áreketterin júrgizý barysynda qyzdyń áleýmettik jeli arqyly jigitpen tanysqany anyqtaldy.

Jastar vırtýaldy tanystyǵyn kezdesýmen jalǵaǵan. Kofe ishýge barǵan qyzdyń esinde ary qaraı bolǵan oqıǵa qalmaǵan. Tártip saqshylary qalanyń 33 jastaǵy turǵynyn ustady. Qazir tergeý júrgizilip jatyr. Barlyq qajetti saraptama taǵaıyndaldy.

«Beıtanys adamdarmen kezdeskende dostaryńyz nemese týystaryńyz sizdiń kimmen, qaıda jáne qansha ýaqyt sonda bolatynyńyzdy biletinine kóz jetkizińiz. Ózińizge jáne jaqyndaryńyzǵa saq bolyńyz», - dedi polıtsııadan.