Astanada eki jańa mektep ashylady
ASTANA. QazAqparat - Astanada qyrkúıek aıynda ashylǵan bes mektepten basqa, taǵy da jańa eki mekteptiń qurylysy aıaqtaldy, dep habarlady astana.gov.kz.
Qurylys basqarmasynyń habarlaýynsha, osy aıda nysandardy paıdalanýǵa berý josparlanǵan. Qazirgi kezde ishki árleý jáne abattandyrý, ınjenerlik jelilerdi tartý jumystary júrgizilip jatyr. Jalpy bilim berý mektepteri Komsomolskıı turǵyn alabynda jáne Esildiń sol jaǵalaýynda, №19 kósheniń ońtústiginde jáne jańa № 4 shaǵyn aýdanda turatyn 2 400 balaǵa arnalǵan. Jańa mektepterdiń ashylýy synyptardaǵy júktemeni azaıtyp, oqýshylardy mektepterdiń arasynda birkelki bólýge múmkindik beredi. Onyń ústine, bul balalar úshin de qolaıly bolmaq, endi olardyń mektepke baryp-kelýine az ýaqyt ketedi.
