Astanada eki otandyq promoýshen aralas jekpe-jekten týrnır uıymdastyrady
ASTANA. QazAqparat - 31 tamyzda «Alaý» muz aıdyny saraıynda Astananyń tarıhynda tuńǵysh ret kásipqoılar arasynda MMA aralas jekpe-jek sport óneri boıynsha «Esil jaǵasyndaǵy jekpe-jek» halyqaralyq týrnıri ótedi, dep habarlaıdy QazAqparat qala ákimdiginiń saıtyna silteme jasap.
Týrnırdi jańa qazaqstandyq promoýshen Tobet Fighting Championship jáne seriktesi Fight nights global, sonymen birge taǵy bir otandyq promoýshen Alash pride uıymdastyrady.
Týrnır aıasynda Fight Nights Global chempıondyq belbeýi úshin jeńil salmaqta Jalǵas Jumaǵulov (Qazaqstan) jáne Tagır Ýlanbekov (Reseı) arasynda jekpe-jek bolady. Jalǵas Jumaǵulov buryn osy beldik úshin Vartan Asatrıanmen kúsh synasqan.
Sondaı-aq, osy týrnır sheńberinde elordanyń turǵyndary men qonaqtary mynadaı sýper jekpe-jekterdi tamashalaıdy:
ASV-ǵa qatysatyn, ALASH PRIDE klýbynyń tárbıelenýshisi Asý Almabaev pen Jovhar Doshýev arasyndaǵy jekpe-jek, FIGHT NIGHTS promoýshenda óner kórsetetin tanymal qazaqstandyq sportshy Juman Jumabekovtiń kásibı sportta 5-0 rekordpen, jeńilissiz kele jatqan Muhamed Emınovqa qarsy jekpe-jegi.
Sonymen qatar, kórermender mýaı-taı erejesimen eki jekpe-jekti tamashalaıdy:
Astana qalasy ákiminiń júldesin kásibı týrnırde utyp alǵan Nıkolaı Samýsev pen «Tobet Top Team» biryńǵaı jekpe-jek akademııasynyń tárbıelenýshisi Rústem Aqjanov óz ónerlerin ortaǵa salady.
