Astanada eki kún ishinde mas bolyp kólik tizgindegen 44 júrgizýshi ustaldy
NUR-SULTAN. QazAqparat – Elorda aýmaǵynda «Quqyq tártibi» atty jedel aldyn alý sharasy ótip jatyr. Onyń maqsaty – kósheler men qoǵamdyq oryndarda krımınogendik jaǵdaıdy turaqtandyrý. Tártip saqshylary esirtkilik zattardy jetkizý, satý arnalaryn anyqtaý jáne jol berilmeýine erekshe kóńil bóledi. Kóshi-qon polıtsııasynyń qyzmetkerleri elordada zańsyz turyp jatqan sheteldik azamattardy tekseredi. Bul týraly QazAqparat Nur-Sultan qalasynyń polıtsııa departamentine silteme jasap habarlaıdy.
Jedel aldyn alý sharasynyń úsh kúninde 59 qylmys tirkelgen, sonyń ishinde 44-i ashyldy, sondaı-aq buryn jasalǵan 31 qylmys ta ashyldy. Іzdeýde bolǵan 4 qylmysker ustaldy.
Tyıym salynǵan zattardy zańsyz saqtaǵany nemese alyp júrgeni úshin 17 adam ustaldy. Sonyń ishinde 10 adam esirtkini zańsyz saqtap júrgeni úshin ustalǵan.
Osylaısha, polıtsııa qyzmetkreleri «Nissan Tiana» markaly avtokóliktiń 36 jastaǵy júrgizýshisin toqtatty.
Kólik salonynan salmaǵy 994 gramm nasha esirtki anyqtaldy. Budan basqa, jeke tekserý kezinde er adamnan salmaǵy 20 gramǵa jýyq marıhýana anyqtalǵan.
Asa iri kólemdegi esirtkini zańsyz saqtap júrgen kúdiktige qatysty qylmystyq is qozǵaldy.
Polıtsııada atalǵan qylmys úshin úsh jyldan jeti jylǵa deıin bas bostandyǵynan aıyrý jazasy qaralǵanyn atap ótti.
Shara bastalǵaly 4 myńǵa jýyq ákimshilik quqyqbuzýshylyq anyqtalǵan, sonyń shinde usaq buzaqylyq jasaýdyń 359 faktisi, tynyshtyq buzýdyń 500-ge jýyq faktisi, qoǵamdyq oryndarda alkgoldik ishimdikterdi ishý nemese mas kúıinde júrýdiń 960 faktisi bar.
Tirkeýsiz turyp jatqan 1,5 myńnan astam adam anyqtaldy.
Kólikti mas kúıinde júrgizgen 44 júrgizýshi ustaldy.
Ýchaskelik ınspektorlar úsh kún ishinde ıesiz qalǵan 100-den astam úı men 2 myńdaı saıajaı qurylysyn aralap shyqty.
