Astanada eki kósheniń ýchaskeleri ýaqytsha jabyldy
ASTANA. QazAqparat - Qalalyq PD ákimshilik polıtsııa basqarmasynyń kelisimi boıynsha jol qozǵalysynyń qaýipsizdigin qamtamasyz etý maqsatynda Máskeý jáne Ýálıhanov kóshelerinde jol tósemin ortasha jóndeý jumysy júrgizilýde, dep habarlaıdy Astana ákimdiginiń resmı saıty.
Osy jyldyń 24-26 maýsymy aralyǵynda jol-qurylys jumysynyń júrgizilýine baılanysty N.Tilendıev dańǵylynan Beketaı kóshesine deıingi ýchaskedegi Máskeý kóshesi boıynsha kólik qozǵalysy tolyǵymen jabylatyn bolady.
Sondaı-aq, 24-26 maýsym aralyǵynda Sh. Ýálıhanov kóshesiniń A. Imanov kóshesinen Kravtsov kóshesine deıingi aralyǵynda qozǵalys tolyǵymen jabyldy.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
