Astanada eki kólik soqtyǵysyp, 52 jastaǵy júrgizýshi qaza tapty
NUR-SULTAN. QazAqparat - Elordada jol apaty saldarynan adam ólimi oryn aldy, dep habarlaıdy QazAqparat.
Búgin shamamen 12 saǵat 18 mınýtta «SHACMAN» markaly avtokóliginiń 34 jastaǵy júrgizýshisi qala jaqtan Astrahan tasjoly boıymen Talapker aýylyna qaraı kele jatyp, joldyń júrý bóliginde aldyn ala tıisti orynǵa turmaı, manevr kezinde bir baǵytta kele jatqan «Nexia» markaly avtokóligimen soqtyǵysty.
Nexia kóliginiń rýlinde 52 jastaǵy júrgizýshi bolǵan.
Jol apaty saldarynan «Nexia» markaly avtokóliginiń júrgizýshisi alǵan jaraqatynan oqıǵa ornynda kóz jumdy.
Atalǵan fakti boıynsha qylmystyq is qozǵaldy.
Nur-Sultan qalasynyń polıtsııa departamenti jol qozǵalysy erejelerin qatań saqtaý kerektigin eskertedi.
Júrgizýshiler jolda múmkindiginshe muqııat bolýy kerek.
