Astanada eki qalalyq avtobýstyń baǵdary ózgerdi
ASTANA. QazAqparat - Elordada qala ishinde qatynaıtyn eki avtobýstyń baǵdary aýysty, dep habarlaıdy QazAqparat tilshisi Astana LRT kompanııasynyń baspasóz qyzmetine silteme jasap.
«Obaǵan kóshesi turǵyndaryna ekijaqty kólikti qyzmet kórsetý úshin №14 qalalyq baǵdardyń qozǵalys syzbasy ózgertiledi. Sonymen birge, №64 qalalyq baǵdardyń qozǵalys shemasy aýystyrylady», - dep habarlady kompanııanyń baspasóz qyzmeti.
№14 qalalyq baǵdardyń jańartylǵan qozǵalys syzbasy:
«T/J vokzaly» bastapqy pýnktinen Q.Sátpaev kóshesiniń qıylysynan B.Momyshuly kóshesine ózgerissiz júredi de, odan keıin tike Q.Sátpaev kóshesi arqyly Obaǵan kóshesine burylady. Odan ary Q.Amanjolov kóshesimen qazirgi syzba boıynsha qozǵalysyn jalǵastyrady.
Avtobýs keri qaıtarda týra osy syzba boıynsha qozǵalady.
№64 qalalyq baǵdardyń jańartylǵan qozǵalys syzbasy:
«Agroqalashyq» aıaldamasynan bastalatyn baǵdarmen N.Tilendıev kóshesiniń qıylysyna deıin júrip, ary qaraı K.Kúmisbekov kóshesine ózgerissiz júredi de, ary qaraı Bógenbaı batyr dańǵylymen tike qozǵalyp, ońǵa Jeńis kóshesine, sodan keıin solǵa qaraı S.Seıfýllın kóshesine burylady. Ary qalaı qazirgi syzba boıynsha qozǵalysyn jalǵastyrady.
Avtobýs keri qaıtarda týra osy syzba boıynsha qozǵalady.
