Astanada eki qabatty ekskýrsııalyq avtobýstar qyzmet kórsete bastady
ASTANA. 20 tamyz. QazAqparat - Erteń Astanadaǵy «Báıterek» monýmenti alańynda eki qabatty ekskýrsııalyq avtobýstardyń qyzmeti resmı túrde iske qosylady.
«Báıterek» medıa ortalyǵynyń málimetine qaraǵanda, «Astana Bus Tours» jobasyn ishki týrızmdi damytý boıynsha «Meniń elim» qaýymdastyǵy Astana ákimdigimen jáne QR Indýstrııa jáne jańa tehnologııalar mınıstrligimen birlese júzege asyrýda.
Atalǵan avtobýstar «Hop on Hop off» júıesi boıynsha qyzmet kórsetedi, ıaǵnı osy kólikterge sheksiz túrde minip, túsý qarastyrylǵan. Sonymen qatar bıleti bar týrıster bir táýlik ishinde qala ishinde júrgen kez kelgen avtobýsta saıahattaı alady.
