Astanada eki esirtki satýshy uzaq merzimge bas bostandyǵynan aıyryldy
Astana qalasynyń qylmystyq ister boıynsha mamandandyrylǵan aýdanaralyq soty «P» men «Sh» degen azamattarǵa Qazaqstan Respýblıkasy QK 297 baby 3 bóligi boıynsha (toppen jasalǵan asa iri kólemde esirtki quralyn saqtaý) qylmys jasady dep tanyp, on jylǵa bas bostandyǵynan aıyrý jazasyn taǵaıyndady. Sonymen qatar olardyń jeke múlikteri tárkilenip, jazalaryn qatań rejımdegi kolonııada óteıdi.
Aıta keter jaıt, 2015 jyldyń qarashasynda Astana qalasy ІІD Esirtki bıznesine qarsy kúres basqarmasy Astana qalasy boıynsha UQKD qyzmetkerlerimen birlese otryp, elorda aýmaǵyna esirtkini jetkizý jáne taratý arnalarynyń jolyn kesýge baǵyttalǵan keshendi jedel izdestirý is-sharalaryn júrgizý barysynda «Ramstor» SO turaǵynda 1982 jyly týylǵan «P» men 1984 jyly týylǵan «Sh» qolǵa túsken. Olardyń ekeýi de qala turǵyndary, elordaǵa 40 kelige jýyq «marıhýana» esirtki zatyn jetkizip, satýmen aınalysqan.