Astanada eki avtobýs soqtyǵysty
ASTANA. QazAqparat - Astana qalalyq ІІD tańerteń elordada eki jolaýshylar avtobýsynyń qatysýymen bolǵan jol-kólik apatyna qatysty túsinikteme berdi.
Quqyq qorǵaýshylardyń málimetteri boıynsha, 2 naýryzda shamamen 08 saǵat 20 mınýtta Qabanbaı batyr dańǵyly boıymen kele jatqan № 12 baǵdardaǵy «Maz 203067» avtobýsynyń júrgizýshisi rýlge ıe bola almaı, «Astana Arena» stadıonynyń aldynda aıaldamada toqtap turǵan № 43 baǵdaryndaǵy «Lıaz» avtobýsymen soqtyǵysqan.
«Jol-kólik apatynan zardap shekkender joq, emhanaǵa eshkim habarlaspady. Tekserý júrgizilýde», - dep atap ótti ІІD baspasóz qyzmeti agenttik tilshisine bergen suhbatynda.
