Astanada eki adamdy kólik qaǵyp ketti, onyń biri kóz jumdy
ASTANA. QazAqparat - Astanada jol boıynda eki adamdy kólik qaǵyp ketti, dep habarlaıdy QazAqparat tilshisi.
«25 maýsym kúni saǵat 08:20 shamasynda Baýyrjan Momyshuly dańǵyly men Amanat kóshesiniń qıylysynda «Toıota korolla» avtokóligi eki jaıaý júrginshini qaǵyp ketti. Atalǵan fakti boıynsha sotqa deıingi tergeý amaldary júrgizilip jatyr. Qajetti saraptama jumystary taǵaıyndaldy», - dep habarlady qalalyq ІІD-niń baspasóz qyzmetinen.
Jol apaty saldarynan 24 jastaǵy jaıaý júrginshi oqıǵa ornynda kóz jumǵan. Al ekinshi 63 jastaǵy er adam ártúrli dene jaraqattarymen aýrýhanaǵa jetkizildi.
